Croeso i Arddangosfa Ddigidol REACH Cymru

Mae gan bob cymuned stori sy’n werth ei hadrodd.

Daeth REACH Cymru â chymunedau led-led Cymru ynghyd i archwilio hanes lleol, rhannu atgofion a darganfod y straeon sy’n rhan o lefydd bob dydd.

Nid dim ond mewn amgueddfeydd a llyfrau mae hanes i’w ganfod. Mae’n byw mewn pobl a llefydd – mewn strydoedd, adeiladau, afonydd, arfordiroedd a’r atgofion rydym ni’n eu rhannu. Drwy gelf, ffotograffiaeth, ffilm, cerddoriaeth, ysgrifennu a gwneud, fe wnaeth pobl archwilio’r dreftadaeth a’r llefydd oedd yn bwysig iddynt hwy. Wrth wneud hynny, fe ddysgon nhw sgiliau newydd, gwneud cysylltiadau a chreu gwaith sy’n dathlu eu cymunedau a’u profiadau.

Mae’r arddangosfa ddigidol yma’n dwyn ynghyd y creadigrwydd a’r straeon a gynhyrchwyd drwy REACH Cymru. Mae peth o’r gwaith wedi’i arddangos mewn arddangosfeydd lleol ac yn Sain Ffagan Amgueddfa Genedlaethol Cymru. Cafodd llawer mwy ei greu yn ystod y daith. Yma, gallwch archwilio’r cyfan.

Pum cymuned. Nifer o straeon.

Gweithiodd REACH Cymru gyda phobl mewn pum ardal ar draws Cymru, gyda phob un yn dod â’u profiadau, eu hanes a’u syniadau eu hunain.

Caerdydd, Rhondda Cynon Taf a Bro Morgannwg >

Aeth oedolion gydag anableddau dysgu ati i archwilio hunaniaeth, balchder a pherthyn drwy ffotograffiaeth, paentio, cerddoriaeth a chreu. Mae eu gwaith yn dathlu cael eu gweld, cael eu clywed a mynegi pwy ydyn nhw. Gweld y Gymuned

Sir Benfro >

Bu i bobl yn Aberdaugleddau, Hwlffordd a Doc Penfro archwilio cysylltiadau gyda thirwedd, iaith, bwyd a hanes lleol. Mae eu gwaith yn adrodd straeon am siwrneiau, cymuned a dod o hyd i ymdeimlad o gartref. Gweld y Gymuned

Dyffryn Nantlle >

Archwiliodd pobl hanes a thirweddau Dyffryn Nantlle, gan ddwyn ysbrydoliaeth oddi wrth deuluoedd, ffermio, chwareli llechi, crefftau traddodiadol a’r byd naturiol. Gweld y Gymuned

Sandfields, Port Talbot >

Archwiliodd pobl atgofion am y traeth, diwydiant a chael eu magu yn Sandfields, law yn llaw â straeon am fyd natur, creadigrwydd a chymuned yn addasu i newid. Gweld y Gymuned

Tre-biwt, Caerdydd >

Archwiliodd pobl hunaniaeth, bwyd, ymfudo ac atgofion o gartref. Ar draws y cenedlaethau, fe rannon nhw straeon a dathlu’r gwahanol draddodiadau a phrofiadau sydd wedi llunio eu cymuned. Gweld y Gymuned

Gyda’i gilydd, mae’r gwaith creadigol o’r cymunedau hyn yn dangos nad oes un profiad unigol o Gymru. Mae pob cymuned yn wahanol, ac mae pob llais yn ychwanegu rhywbeth i stori Cymru.

Archwiliwch yr arddangosfa a darganfod pobl, llefydd a chreadigrwydd REACH Cymru.

Rhannu ein straeon

Mae gwaith sydd wedi’i greu drwy REACH Cymru hefyd wedi’i rannu drwy arddangosfeydd cymunedol ar hyd a lled Cymru, yn Wales Told by Us yn Sain Ffagan Amgueddfa Werin Cymru, a thrwy ddysgu ar-lein am ddim ar OpenLearn.

Diolch i bawb sydd wedi rhannu eu straeon, eu hatgofion, eu syniadau a’u creadigrwydd, ac i’r sefydliadau y mae eu cefnogaeth wedi gwneud REACH Cymru’n bosib.

Archwiliwch yn ôl Cymuned

Yma gallwch archwilio’r gweithiau celf gan bob cymuned benodol

Spoil Heap Safari artwork | Gwaith celf 'Spoil Heap Safari' 7Oedolion gydag Anableddau

Oedolion gydag anableddau dysgu ar hyd a lled Caerdydd, Bro Morgannwg a Rhondda Cynon Taf

Mae gan bobl ag Anawsterau Dysgu sy’n byw yn Rhondda Cynon Taf (RCT), Caerdydd a Bro Morgannwg ystod eang o ddiddordebau yn ogystal â hanes cydweithredol cryf o gefnogaeth gymunedol ac eiriolaeth.

Amana Girls Group Portrait | Portread Grŵp Merched AmanaCaerdydd

Tre-biwt, Caerdydd

Mae Tre-biwt (sydd hefyd yn cael ei adnabod fel ‘Tiger Bay’), yn ardal fywiog yng Nghaerdydd a ffynnodd i fod yn un o gymunedau amlddiwylliannol cyntaf y DU, gyda phobl o dros 50 o wledydd yn galw’r lle’n gartref erbyn dechrau’r 20fed ganrif.

Cynefin Artwork | Gwaith Celf CynefinGwynedd

Dyffryn Nantle, Gwynedd

Mae Dyffryn Nantlle, sydd wedi’i leoli yng nghalon Gwynedd, yn enwog am ei dirweddau syfrdanol a’i ddaeareg gyfoethog. Mae gan gymuned Gymraeg fywiog y dyffryn hanes hir gyda’r diwydiant llechi.

 

Textile art - Reach back in timeSir Benfro

Aberdaugleddau, Hwlffordd a Doc Penfro, Sir Benfro

Mae gan Aberdaugleddau, Hwlffordd a Doc Penfro hanes cyfoethog sy’n gysylltiedig yn agos â masnach a bywoliaethau a gafwyd o’r dyfrffyrdd a’r môr.

Wicker BeesPort Talbot

Sandfields, Port Talbot

Mae gan Sandfields ym Mhort Talbot – ardal a ddatblygwyd yn wreiddiol i ddarparu cartrefi i weithwyr dur – hanes cyfoethog sy’n gysylltiedig yn agos â diwydiant trwm.

Archwiliwch yr Arddangosfa

Mae yna nifer o ffyrdd y gallwch archwilio’r arddangosfa hon. Gallwch neidio’n syth i eitemau sy’n cael eu harddangos o gymuned benodol, dewis gweld gwaith gan ddefnyddio Tagiau (megis thema neu ddeunydd y gwaith celf), neu chwilio gan ddefnyddio geiriau allweddol.

ARDDANGOSIADAU NODWEDDIGOL

Canals of Cardiff CollageOedolion gydag Anableddau

Camlesi Caerdydd

Colais yn archwilio camlas Morgannwg sydd wedi mynd ar goll, wedi’i chladdu o dan ganol dinas Caerdydd

Linoprint from the Nature's Remedies exhibitPort Talbot

Gwau’r Gwenyn

3 gwenynen helyg yn dathlu creu’r ardd gymunedol a’r gwenyn cardio prin a geir ym Mhort Talbot

REACH Textile ArtSir Benfro

Estyn yn Ôl mewn Amser

Celf tecstiliau gydweithredol ar ffurf Afon Cleddau, yn adlewyrchu cysylltiad y gwneuthurwyr â’r dyfrffyrdd

Mixed media collage from Owls and FlowersPort Talbot

Tylluanod a Blodau

Cllajau cyfryngau cymysg yn ailddychmygu stori Blodeuwedd

Spoilheap Safari MuralOedolion gydag Anableddau

Ein Cymru Greadigol (Murlun)

Murlun yn dangos bywyd gwyllt Gweithfeydd Cocos Cwm – safle sydd wedi’i adael – gan gynnwys y ‘Beddau Beast’ unigryw

Willow BeesPort Talbot

Gwau’r Gwenyn

3 gwenynen helyg yn dathlu creu’r ardd gymunedol a’r gwenyn cardio prin a geir ym Mhort Talbot

Double exposure portait Gwynedd

Y Chwarelwyr

Portreadau amlygiad dwbl o weithwyr chwarel lechi o Ddyffryn Nantlle, wedi’u tynnu gan ddisgyblion ysgol gynradd

Abstract art cardOedolion gydag Anableddau

Ein Cymru, Ein Geiriau

Cardiau celf haniaethol gyda dyfyniadau myfyriol

Recipe from the ExhibitSir Benfro

Bwyd Da o’r Ardd

Rhesipis am chinio wedi’i wneud o fwyd o’u gardd gymunedol eu hunain, ar babur wedi’i liwio gyda phlanhigion o’r ardd honno

Paper mache bootsGwynedd

Cerdded yn Ôl eu Traed

8 botas papier-mâché wedi’u gwneud o bapurau newydd lleol, wedi’u hysbrydolu gan bâr hanesyddol o botasau Chwarelwr lleol

Partneriaid REACH Cymru

Y Brifysgol Agored yng Nghymru, Amgueddfa Cymru, Adra, Grŵp Ateb, Grŵp Codi, Cymdeithas Tai First Choice, Innovate Trust, Cymdeithas Dai Taf, Yr Orsaf, Casgliad y Werin Cymru, Ffederasiwn Amgueddfeydd Cymru, Iechyd Cyhoeddus Cymru, Cyngor Celfyddydau Cymru

Gwnaed REACH Cymru’n bosib gyda Chronfa Dreftadaeth y Loteri Genedlaethol. Diolch i chwaraewyr y Loteri Genedlaethol, rydym wedi gallu archwilio straeon a hanes cymunedau led-led Cymru drwy’r celfyddydau creadigol

The Open University Wales logo
Amgueddfa Cymru logo
Heritage Fund logo
NHS Wales logo
Arts Council of Wales logo
Museums Federation logo
People's Collections Wales